Conservando o modo de vida tradicional da montaña
Esta palloza foi a casa da nosa familia durante xeracións.
Unha herdanza que loitamos por conservar, tamén como parte da memoria e do patrimonio cultural e etnográfico dos Ancares.
Visita a nosa palloza museo
Unha vivenda da montaña
As casas tradicionais de Piornedo son as chamadas “pallozas”, porque teñen un característico teito de palla. A familia facía vida ao redor do lume da lareira, que ocupa o espazo central da casa e que daba calor nas noites máis frías do inverno.
A vida en Piornedo
A palloza mantén a distribución orixinal de cando estaba habitada e ten unha exposición permanente das ferramentas e utensilios que a familia empregaba no seu día a día. Ferramentas que son testemuñas dun modo de vida.
Últimas novas do noso blog
Rutas etnográficas por Ancares. Duración estimada: 3 horas. Saída: 10 da mañá. Palloza Museo Casa do Sesto. Prezo: 10€/ persoa Contacto: 630411518 / 659523911 Recomendamos levar pantalón largo e botas de montaña. Podes atopar máis información sobre Piornedo Anda aquí.
A idea de que esta sempre foi unha zona atrasada e illada aparece insistentemente en tódolos libros que van caendo nas nosas mans, nosoutros pensamos, en cambio, que este fenómeno é moderno e froito do progreso. A mediados do século pasado produciuse unha gran transformación socioeconómica, construíronse moitas carreteiras, a...
Piornedo é unha aldea de alta montaña (preto de 1200 m. de altitude) que está situada na falda dun dos montes mais emblemáticos da Serra de Ancares: o Mustallar. A aldea ten unha disposición nuclear, coas casas moi xuntas e as fincas arredor. Desta maneira, cando caen nevadas grandes estamos...
A nosa cerámica
“Amasar e traballar o barro fai posible apalpar as ideas, os soños… despois a maxia do lume encárgase de facelos eternos.“
Fuco
Cerámica artesanal
Un dos cortellos da palloza museo esconde unha pequena tenda de pezas de cerámica feitas por nós de xeito totalmente artesanal.
Descubre o noso entorno…
Coñece Os Ancares
Os Ancares é un espazo natural cun bo grao de conservación e cunha importante riqueza etnográfica e cultural. Son varios os lugares que podes visitar no noso entorno para coñecer un pouco mellor a montaña e as súas tradicións.