Percorrido pola Palloza Museo Casa do Sesto
A CORTE DAS VACAS
A corte das vacas
A corte das vacas (a cuadra), está un pouco diferente de como era cando se utilizaba, por mor do esterco, que tiña máis dun metro de grosor e cubría case toda a escaleira de acceso.
O gando entraba pola porta principal da palloza, a portada do fondo só se empregaba para sacar o esterco xa que normalmente este impedía que se puidese abrir.
Agora na corte conservamos os peselbres das vacas e aproveitamos esta dependencia para amosar as ferramentas de traballar a terra (antes gardábanse debaixo do hórreo).
Algunhas das ferramentas que se poden ver:
- O arado romano
- O arado de ferro (chamado vertedera)
- Os carros. Aínda conservan un tipo de roda prerromana de dous radios.
- As albardas dos cabalos
- A caroza, un impermeables provisto de capa e capucha, dunha soa peza, feito de xunco e empregado para protexerse do frío e da choiva.
- A coladeira, un banco con tres patas e uns regos na parte de arriba que serve para lavala roupa (facer a colada). Para isto empregábase cinza de carballo, que é un gran desinfectante e branquea de forma parecida á lixivia.
- A luria, unha corda utilizada para atalo carrocargado de herba ou de palla (aluriar) e que está feita de cerdas de cabalo e de porco.
- Os maseiros da enallada
- Os acampaíños dos bois
