A exposición

No interior da palloza móstranse, ademais da distribución orixinal, todas as ferramentas que pertenceron e foron empregadas pola familia que a habitaba. Aínda que agora están moi colocadas e parecen moitas, non hai ningún tipo de recompilación de pezas, son os utensilios do día a día.

As familias na montaña eran completamente autosuficientes, polo que nesta mostra pódense ver ferramentas de todo tipo, dende as máis comúns de traballar a terra, ata os teares para facer mantas e incluso unha fragua para traballar o ferro.